لو مطرحا يا مطرحا الْ بالبال غفّي شوي شوي تا ينســــــى يمكن تنام الآه بالمــــــــــــوال و تِعتقْ آهات الشوقْ تا نْحسّـا *** *** *** *** *** لو مطرحا أغزل ظلام الليل و أنسج بنجمو جسر تا تعدّي و لمّا تريد تزورْ تاني ميــــلْ وشْوِشْ حرير الشمس تا تْهدّي *** *** *** *** *** لو مطرحا ألغي فصول العام وْ فصّلْ لخِلّي فصلْ عا قْياسو يْزَهّر هوانا، الشوق و الأحلامْ تفاح حافي يرقصْ عا أجراسو *** *** *** *** *** لو مطرحا بغفّي ع كف الريح و أكتب ع خدّ الحلم ترنيمة يا روح روحي تحملك ها الريح و كوني بسما روحي متل غيمة *** *** *** *** *** لو مطرحا يا مطرحا الْ ع الراسْ أنزل شوي شوي تا وطّي أصْلي عزيز و الحُر ما بينْداس لكن عشان خيولك تخطّي *** *** *** *** ***