كنّا و كانت كايْنة الأكوانْ لا نكتفي بكافٍ و لا بالنونْ صرنا خبرْ محمولْ ع الميسانْ لا ظلْ في لهفة و لا ظلْ جنونْ

كنا على شفاف الهوى بسمة
يطلْ الصبحْ و يفتّحْ الياسْمينْ
هبّْ الثلِجْ تا خرْبط الرّسْمة
و ما عاد فينا نْكمّل التلوينْ.

كنا نغم ثاير على الأوتار يوصل ل ها النجمات لبْعيدة صرنا نشاز يْفرّق السّمّارْ و يزرع بقلب الشوق تنهيدة

كنا نغم بشفايف النجمة
و كنا حبر بيرتلو الموّال
صرنا خبرْ يتْسوّل الكلمة
تتْشردق الآهات بالأطلالْ

كنا حلمْ غفيان ع الغيماتْ
هب الهواء و تناثرت الأحلام
صرنا دمع مبحوح ع الوجناتْ
لا الجْرحْ طابْ ْو لا الوجعْ بينامْ